喺上星期五朝早，車路士嘅訓練中心突然煙霧瀰漫，喺楝樓入面嘅工作人員同青年軍都要疏散，事後球會驚見有個煙霧彈喺更衣室。咁大件事，當然驚動到管理層，老細阿巴莫域治亦話事態嚴重，要馬上徹查。據報球會已鎖定兩個預備組球員，如證實係佢哋做，車路士會考慮解約。呢單唔係個別事件，之前都試過無啦啦有把軍刀出現喺車路士訓練中心嘅更衣室！