近幾年女藝人一窩蜂結婚生仔，為了讓下一代接受良好教育，他們都為子女爭崩頭搶入名校，潮媽徐淑敏（Suki）育有兩女，分別是下周便2歲的Vianna和6個月大的Renee，長女Vianna每周都有返playgroup，暑假後也足齡返學前班。據知Suki前日帶了Vianna面試學前班，其中一間是維多利亞大角嘴分校。
Suki昨日在電話中說：「我哋噚日都帶咗Vianna去咗兩間學校面試，佢表現都好平均，我盡量想揀間好學校畀佢，如果學校有一條龍可以讀上去就最理想。」
Kelly為腹中囝囝鋪路
正陀龍仔的陳慧琳（Kelly）有早前被拍到親送長子蝦餃仔劉昇返位於紅磡的名牌幼稚園St.Catherine's國際英文幼稚園，為爭學額，Kelly可會預早為第二胎作入學準備？安胎中的Kelly昨日說：「細佬都未出世，未咁快住，好大機會讀番哥哥嗰間，一齊湊返學有照應，而且蝦餃仔好鍾意間學校，佢讀得好開心。」
採訪：比華利