廖碧兒、陳嘉桓、陳煒與丈夫、港姐朱希敏和許亦妮等，前晚在灣仔出席「仁濟醫院周年慈善餐舞會2012」，廖碧兒穿上舞衣表演華爾兹，有傳她與張可頤跟王維基簽約後爭寵，她否認說：「我冇簽電視台，只簽經理人合約，仲係自由身，遲啲會返內地拍劇。」有指她樣貌越來越似宮雪花，她一頭霧水說：「吓？唔知佢係邊個。」
朱希敏愛熟男
港姐亞軍朱希敏與港男出身的李善恒被踢爆拍拖，朱希敏大方說：「冇刻意收埋，佢大我十年，一向鍾意成熟啲嘅男仔，見過男方家長，我之前返加拿大都畀佢張相屋企人睇。」她還自爆男友會為她煮甜品。另外，陳嘉桓的媽媽最近沒有再做其經理人，她坦言很不習慣，並透露8月將開拍《葉問終極篇》。
採訪：王連連
攝影：黃偉雄