諸葛紫岐（Marie）、王馨平和盧覓雪昨在將軍澳電視城錄影無綫生活台節目《玄美人生》，將於本月20日下嫁Neway太子爺薛嘉麟的Marie，對於被指未來老爺薛濟傑不滿她豪花八百萬搞婚禮大使，她說：「冇咁嘅事，近來身體唔好，婚禮大小事務都係主席（薛嘉麟）搞。」問Marie陳法拉會否坐主家席？她說：「唔知，唔係我安排。」另有指Marie想婚後開模特兒公司，並打算繼吳日言後再炒HotCha，對此她說：「唔係，我好鍾意HotCha，我管理好差。」
王馨平舊愛鄭嘉穎最近重返樂壇出碟，問她與嘉穎有否合作機會，她說﹕「唔知，拍劇都未諗，但之前幫港台拍咗部關於救火嘅劇，都有番做嘢嘅感覺，有人傾先算啦。」
採訪：楊潔雯
攝影：陳慧安