剛啱開完演唱會嘅關心妍噚日去咗商台做訪問，佢話公司打算喺夏天幫佢再出碟，但佢又心思思想造人，關心妍話：「都唔可以坐喺屋企齋等，會好大壓力、好辛苦。」對於公司再有人事變動，傳會簽鄧麗欣做一姐，佢話唔怕地位俾人搶咗：「公司有好多計劃，簽多啲人返嚟都好。我都係啱啱入呢間公司，從來唔係乜一姐，最多都係一太。」