偷食上癮的李思捷，繼月前背着女友春卷（王寶寶）偷食世界妹李思蓓斷正，最近再被揭發在夜店借醉鹹豬手岑潔儀，又與暗媾半年的球隊女公關Naomi酒店過夜，Naomi更明目張膽向春卷宣戰，在facebook欄目示愛「IloveJL」（JohnsonLee李思捷）。
現年37歲的李思捷以扮嘢出位，與20歲女友春卷拍拖兩年，但他的桃色新聞一波接一波。思捷繼數月前被踢爆背着正印春卷偷食陳年「世界妹」李思蓓後，最近再被揭發四年前在夜店借醉向在場的岑潔儀及落選港姐曾愛媚鹹豬手。上月10日思捷又被撞破與現職公民足球隊索女宣傳經理Naomi（馮鎵瀅）到澳門酒店過夜，Naomi曾在台灣、內地任電視主持及模特兒，去年七月曾為本報拍過一輯三點式性感照，身材出眾。
明目張膽去飯局
據知，去年兩人在朋友友介紹下相識，暗交半年，思捷經常帶她出席朋友飯局，大家都知Naomi是秘密新阿嫂，而她亦當正自已坐正，最近在facebook個人介紹欄上，明目張膽地以愛人身份寫着：「IloveJL」，「JL」正是李思捷英文名JohnsonLee的縮寫。
Naomi亦不避忌把兩人的照片及行蹤貼上facebook私相簿，去年12月27日她27歲生日，她貼上一張與一位態度親密的打格神秘男燭光晚餐撐枱腳照片，枱面還有一個甜到爆的桃紅色迷你心形蛋糕，雖然她刻意把這位神秘男打格，但亦被認出是李思捷，不過這張恩愛私相，昨日已被刪除。
本報昨日致電Naomi，她否認「JL」是指李思捷：「JL係NBA球星林書豪JeremyLin，我都係NBA迷，我哋只係好朋友，每次都係一大班朋友。」但問到兩人有否單獨約會？她突然口啞一陣：「做嘢前一齊食嘢啫。」被問到思捷有沒有帶春卷出來？她說：「冇！我唔識佢，唔知佢係邊個。」她亦強調沒有同李思捷過夜。
岑潔儀前晚在中環出席時裝活動，她承認曾被李思捷鹹豬手：「嗰晚一大班人出嚟飲嘢，曾愛媚比我更慘，我見到啲污糟嘢。」是否男士部位？她堅拒回答是甚麼污糟嘢，只重複說：「我見到啲污糟嘢，feel到佢嘅污糟嘢。」
採訪：葉雪、林嘉慈
攝影：陳俊強