湖人球星拜恩（左），喺周日明星賽俾獲迪打到鼻骨骨折，搞到星期三主場對木狼嗰時，要戴個「鬼面罩」上陣。而對手主將路夫感冒要休息，拜恩仲唔趁佢病攞佢命咩？佢全場入咗31分，助球隊以104:85大炒對手。佢仲唔理自己個鼻，係咁殺入禁區博foul。小心啲好喎，拜恩，湖人已經唔要喺交易中換嚟木狼嘅比士利，少咗你仲得了？