前利物浦著名前鋒科拿離開咗英格蘭之後，走咗去老遠嘅澳洲踢澳職，之後又去咗泰國做蒙通聯嘅領隊兼球員，不過最近佢終於鳥倦知還，返咗英格蘭，仲去咗黑池試腳及跟操。據黑池領隊荷路威表示，36歲嘅科拿勇猛如昔，球隊好大機會簽佢；如果成事，科拿仲有望喺下周二對打比郡嘅英冠聯上陣呀！