由舒淇同余文樂主演嘅《情謎》前日喺北京舉行首映禮，佢哋喺台上大玩測試默契遊戲。即場仲放咗一張佢哋戲中嘅激情劇照，搞到舒淇同余文樂都嚇咗一跳，余文樂即場爆料話：「嗰場我哋拍完出嚟，就見到導演黎妙雪企喺一邊，頭都抬唔起，我問佢做乜？佢竟然臉紅！我即刻同佢講，你唔係要激情咩？點解你反而頂唔順！」