早前有傳張栢芝同內地演員小沈陽主演嘅電影《河東獅吼2》，因為戲中嘅角色影射歷史人物，需要再次送檢，原定嘅映期都要改過。不過電影公司方面就出通告話張栢芝、黃維德等演員，今日喺湖南衛視台播出嘅《快樂大本營》節目，一齊唱出主題曲，栢芝仲會獨唱《該是時候》。如果套片開始搞宣傳，睇嚟就快會上映嘞。