杜如風近日主持now寬頻電視節目《風行全中國》，帶觀眾走遍內地各地分享趣怪事，除了有各地風土民情外，杜如風在節目中請來圈中好友接受訪問，當中包括和謝霆鋒離婚的張栢芝，她更透露栢芝在訪問中大方談感情事。
杜如風主持的now寬頻電視節目《風行全中國》，早前已拍畢，分別去過北京、天津、杭州和寧波等地取景。不過她的節目並非純為旅遊節目，介紹旅遊景點，早前杜如風接受訪問時說：「我哋去一個地方，會有埋cosplay造型，我試過扮《白蛇傳》、《色，戒》入面嘅角色，又去過上海灘扮許文強，覺得好好玩。」
狂食蟹入院
杜如風為節目事事親力親為，由造型到後期製作，都落手落腳做。走遍內地多個地方，杜如風自言最難忘是杭州，她謂：「去杭州仲介紹埋當地醫院，因為去杭州之前，去咗食陽澄湖大閘蟹，點知食咗好多隻，加上月經差唔多到，食得太多大閘蟹，太寒凉，去到杭州就暈咗入院，後尾要去番當地補拍。」
好友輪住撐
另外，《風》節目每集亦會找來很多圈中好友傾偈，包括何超儀、馬偉豪、張栢芝等，栢芝當時與謝霆鋒鬧婚變，在寧波拍電影《河東獅吼2》，杜如風說：「我哋傾咗好多嘢，包括感情，但係佢經理人話唔好出，佢心情冇乜嘢，心情輕鬆。」之後杜如風到車敦片場，又特登探霆鋒。
問到可會拉攏二人到其節目接受訪問，杜如風說：「咁又冇喎！反而我有興趣同佢哋分開做一集，唔會特登搵佢哋一齊，而且個節目又唔係主要講個（明）星。」
採訪、攝影：王連連