熊黛林（Lynn）日前與郭富城劃清界線，強調兩人從未拍拖，分手之說甚囂塵上，向來感情事低調的城城，昨日在活動上罕有地直認兩人情未變，三度指熊黛林受到委屈，因此要企出來護花，勇敢為Lynn做個有膊頭有腰骨的男人！
郭富城昨日率先穿上下周才公開發售的MarniatH&M系列出席代言的LONGINES活動，同場還有復古打扮的文穎珊。日前熊黛林突然將城城降級至朋友，明言「唔好再講佢」，隨即被指感情亮紅燈。不過昨日城城罕有地在活動上力證情未變，再三強調喜歡將感情事低調處理的他，被問到是否與熊黛林分手？他謂：「某啲講阿Lynn同我嘅報道，佢都幾委屈吓，希望大家畀啲空間我哋，有啲正常發展。」問到是否繼續正常發展？城城說︰「係。」
望身邊人好
對於Lynn的降級宣言，城城稱與他否認送鑽石鏈給Lynn無關：「呢個圈啲報道令人好尷尬，我希望身邊朋友都好。」問到是否因Lynn受委屈故企出來？城城稱︰「唔係一兩日，係好長時間，身為佢朋友，有責任將某啲唔係真實嘅事講出嚟，都幾委屈。」
至於兩人的關係是否雨過天晴，城城尷尬謂：「我點答你呢？我唔係小朋友，我可以保護同維護我身邊嘅異性朋友，畀我個良好環境去處理感情生活。」
結婚會公開
城城自言是傳統男人，一定會結婚，而且會公開，但不會為保護戀情而加速結婚。問到Lynn是否結婚對象？他又回復故弄玄虛答案稱要諗諗。
對於城城愛的呼喚，Lynn昨先在電話回應：「順其自然，多謝大家關心！」至傍晚Lynn在中環整頭，約晚上7時左右離開。問到城城指她受委屈又出言力撐她？她笑着說：「我未睇報道，唔識答。」至於城城表示若結婚必會公開，她說：「我返屋企食飯喇。」接着駕座駕離去，原來她約了雙親在灣仔食飯。
採訪：盧妹
攝影：陳慧安、黃曉程