80、90年代，無人沒聽過黃凱芹（Chris）與周慧敏（Vivian）經典歌曲《情末了》，轉眼間，Chris入行已踏入25周年，今年他會在紅館舉行兩場演唱會，紀念這個大日子，個唱當然少不了好友周慧敏的相助。
黃凱芹入行25年，至今好像沒有老過，且狀態大勇，他將於3月24日、25日在紅館舉行兩場「TrueColors25周年演唱會」，他說：「其實去年我喺九展做過演唱會，但對上一次紅館演唱會應該是04年喇！」
屢食檸檬
Chris表示這次舞台設計亦有別以往，他說：「今次個台會搭到好高，八呎再八呎，開會時我都講笑話，睇我高度都知，我有畏高。」問Chris會否大騷胸肌？他笑說：「我有冇呢？唔一定要騷，我鍾意形象上多啲衫幫到我。」
Chris與Vivian相識多年，這次邀請到Vivian擔任嘉賓，並會與她合唱一曲《長痛不如短痛》，他說：「其實我一路有畀歌Vivian，但佢一直揀唔啱推咗我，今次我都係抱食檸檬心態，點知佢鍾意呢首歌，仲畀埋意見改咗呢個歌名。」
相隔八年再在紅館開騷，Chris坦言屆時應該會很緊張：「我試過一次太緊張，臨出場再去一去廁所，點知唔記得有無綫咪勾住條褲，就咁跌咗落廁所，搞到完全收唔到，當時都好後悔做乜無端端去廁所，家受到教訓會小心喇！」Chris近年在加拿大生活，keep得一身健碩身形，他坦言平日生活有規律，最重要不要太憂心，不要經常諗住得獎，令自己承受太大壓力。
撰文：溫敏芝
場地提供：紅磡都會海逸酒店
