由小圈子選出的貪腐特首曾蔭權，面臨立法會彈劾，被廉政公署調查，民怨升溫更要踢他下台。這名「香港阿扁」諉過制度，歸咎市民，死不認錯。公務員事務局前局長王永平接受本報訪問說，曾蔭權可能是香港開埠以來首名操守缺德的領導人，損害本港廉潔形象，有愧於港人，「佢欠公眾一個道歉」。
反映問責制蕩然無存
「我印象中好似冇人批評過董建華個人操守有問題。」王永平在政府工作30多年，曾與前港督彭定康、衞奕信共事。他說回歸後董建華被指政策向商界傾斜，但不涉道德操守，「我睇歷史書，好似開埠時有港督畀人懷疑貪污，結果調返去（英國），但都係19世紀嘅事」。
相隔一個半世紀，自稱問心無愧的曾蔭權，解釋「貪方便」才坐富豪遊艇，被譏「香港第一貪官」，「咁春茗邊個請佢去？有冇諗過係賭場活動？」王永平質疑，曾稱09年乘搭「朋友」的私人包機遊日本，「事前事後政治上同佢哋有冇任何決定？」曾又指沒申報將租住香港數碼廣播主要股東黃楚標的物業，不會影響行政會議審批其牌照，「冇影響你就唔申報，搞個申報制度做乜？你承認冇申報，起碼要講聲sorry（對不起）啦」。
曾班子07年上場，高官濫權時有所聞，卻沒人鞠躬道歉，沒人問責下台，王永平說：「反映我哋由曾特首領導嘅班子，問責精神蕩然無存」。上樑不正，下樑必歪，王永平不滿曾諉過制度落後，「有事發生你第一時間話個制度有問題，已經冇咗問責」。他斥曾損害香港廉潔形象，「如果曾生堅持whiterthanwhite（潔白無瑕）原則，就唔會發生呢啲事。如果曾特首唔係仲有幾個月（卸任），（市民）憤怒程度可能仲高」。
王坦言，一人一票也可能選出像陳水扁的貪腐領導人，但落實真普選，才能有民主力量制衡，惜遙遠無期。特首選舉混戰，梁振英涉西九利益輸送，政府選擇性「放料」；唐英年則爆出僭建醜聞，更拉老婆落水。他稱若唐以低民望當選，背後意義惹人猜想，「係中央主張，幕後安排大部份選委唔理民意選唐英年」。
記者 王家文