相士估領袖，不出豬狼兩隻大熱，牛頭角順嫂都能預知結果。不如轉吓風，按八字推算，曾特首會否步老董後塵，臨門跣腳，埋唔到尾，紅牌出場。
網上有疑似風水專業評估，推斷曾特首落台機會高者，佔八成，原因歸納為：
a發夢都想坐正的D9背後插刀，給力逼宮的部署，威力等同七級地震。
b有人想執死雞，乘機放料給傳媒，使橫手入晒梁營數，借力打力。人在做，天未必看啊做得咁難睇。
c曾公藉口老婆衫多唔願丟所以才會租複式樓王。咳咳，從唐宮到曾大屋，同樣搵老婆過橋，這招必殺技，短時間內被兩位男主角套用，橋段太過熟口熟面，貴賓席上睇戲的阿爺都覺悶，唔多like。
d夜長夢多，全城闊佬懼怕曾公衣食住行方方面面的便宜流水帳，會愈挖愈深，為免牽連，會罕有地齊齊發功，「殺人滅口」！
e面相而言，曾公有霧春二月屁股痕之隱疾爆發跡象，應該會「雙冇」，冇得坐低冇得留低！