香港特首選戰風起雲湧，日日爆大鑊熱爆全城，連娛圈中人都加入戰團，引爆不少冷笑話。
周星馳要同蠢朋友割席
自特首選戰拉開序幕以來，不少人質疑唐英年的管治能力，但仍獲支持者周星馳力撐，去年在挺唐記招上，星爺擺明撐唐說：「我認識嘅唐生一啲都唔蠢，其實蠢嗰啲人，我唔會同佢做朋友嘅！」但觀乎唐唐近來的表現，星爺看來要和唐唐割席。
黎明冇資格投票選特首
而「金句王」黎明去年亦在老闆林建岳拉攏之下，打算循演藝界參選選委，為唐唐儲定票。黎明出席挺唐造勢會時，動氣回應唐英年被形容為豬時說：「每個人都係人，唔可以咁講！」可惜最後他因未趕及登記做選民，搞到無緣選特首。
黃秋生同老細打對台
一向我行我素的黃秋生與老闆林建岳打對台，一早暗撐梁振英，周一他更親身出席梁振英的新書簽名活動，與支持唐唐的老闆對着幹，被問到對梁振英的印象，他說：「斯文啲講佢係個niceguy，市井啲講佢幾有義氣，理性啲就係沉穩踏實、思路清晰有口才。」