【本報訊】鑿牆賊連爆兩店舖，昨凌晨2時許，賊人在奶路臣街2號樂園大廈一間凍肉店後巷爬牆潛入，撬閘潛入舖內，發現舖內金錢不多，只得2,000元散紙，賊人「唔夠喉」遂打一舖之隔的超市主意，於凍肉店偷電開動風炮鑿開天井外牆一個兩呎乘三呎大窿，捐入超市假天花，再由天花板跳落超市內。
賊人撬開收銀機，發現內裏空空，於是砸爛賬房木門玻璃窗，再拆開部份木門捐入，惟觸動夾萬警鐘，即時逃竄，經點算後，凍肉店損失2,000元銀頭及三套員工制服，超市則損失一批香煙。
賊人熟悉防盜措施
警方翻查閉路電視發現，賊人在超市逗留個多小時，表現相當專業，既帶來爆竊工具，也對防盜措施熟悉，超市賬房木門裝置防盜措施，賊人沒爆門只打爆門窗潛入。警方不排除賊人不止一人，正追查竊賊下落。