噚日有報道話李思捷試過借醉抽水，待嫁嘅岑潔儀仲話係受害者之一。李思捷噚日喺電視城出現，佢話：「對上一次見岑潔儀已經係四年前嘅事，如果我真係有做，我諗我真係好醉，不過我覺得我冇做過，如果有真係非常sorry。」但李思捷不忘質疑岑潔儀點解今時今日先講出嚟。高層樂易玲就話酒都係少飲好，如果岑潔儀仲覺得唔舒服，會向佢了解。