自喻高道德情操的貪腐特首曾蔭權，乘坐富豪遊艇又搭私人飛機，煞有介事聲稱每次都主動付費，此地無銀。公務員事務局前局長王永平接受訪問時自爆，曾獲富豪邀約遊船河，跟外國大學校長交流，由於出師有名，故無需付費也沒申報，暗諷曾蔭權，「係我工作一部份，有咩利益？仲要畀返錢佢？有冇搞錯！」
王永平憶述，他出任教育統籌局局長（現稱教育局）時，有富豪邀請一名外國大學的校長來港，邀約他於周末一同遊船河，同行還有本港各大院校的校長，「如果唔係有名人校長，我都唔會應酬佢」。更不怕傳媒爆料，「爆出嚟我都有事實解釋」。
「畀足錢都會質疑你」
王永平強調，現時「公務員事務規例」和「政治委任制度官員守則」均沒問題，後者列明接受饋贈和款待時，應考慮有否利益衝突和令公職人員尷尬和聲名受損。「就算你（曾蔭權）畀足錢，亦都會質疑你點解接受」。
王永平越說越動氣，「如果你諗完覺得冇問題，你要就你嘅判斷承擔責任」，更拍枱指摘，「最高標準唔係建基於個人，係建基於社會共識」。
《蘋果》記者