【本報訊】86歲的新世界發展（017）主席鄭裕彤（彤叔）第二度退休，長子鄭家純再度執掌新世界，由董事總經理升任主席。鄭家純揚言「至少坐廿年」，彤叔則打算睇波、遊埠、陪老婆，退下火線，企埋一邊，享清福去。
記者：高淑嫻 張活儀
自彤叔決定把周大福珠寶（1929）上市，市場已經估計他是為退休及分身家鋪路，加上新世界系內老臣子近年相繼退休或離任，鄭家純去年底又在周大福招股記者會上自爆，自己已經是整個家族的掌舵人，彤叔將會淡出，彤叔退下似乎只是遲早的事。故此，當新世界昨日中午宣佈彤叔退休、鄭家純接棒的消息，市場並不感到詫異。
「我做咗60幾年嘢，70幾年啦！」彤叔昨日接受訪問時表示，工作多年，眼見鄭家純工作越來越上手，團隊及人才俱備，新世界及周大福又已經上市，坦言「做咗咁耐想享吓清福」，因此決定退休。
想睇波、遊埠、陪太太
退休後，他不打算經常在背後指指點點，指「新有新嘅一套，我唔再管㗎啦，做嘢我都要企埋㖭」、「佢哋需要詢問我時，或者攞我意見時搵我，如果唔係，我唔使㗎啦」。他希望退休後，「睇波，遊埠，多啲陪吓太太」，旅埠地點首選泰國及內地，有時間亦會返家鄉順德的祖屋。
被問到鄭家純接棒，純官子女在新世界的角色亦越來越重要，次子鄭家成的子女好像被比下去，彤叔簡單回應說「各有啲，我啲孫，佢哋做開邊樣咪邊樣囉！」似乎家族成員已有默契。
實際上，新世界一直是彤叔與鄭家純父子檔。鄭家純表示，即使是宣佈退休，亦歡迎彤叔不時提供意見，他相信，彤叔仍然會每日上班，事關「做開嘢嘅人，唔返工唔得㗎！」他透露，兩人共事多年，曾有意見不合，「大家都會傾，但決定係佢，唔係我」。
他估計，彤叔退休是年紀大，不想承受太大壓力，「聯交所有好多例，又一定要開會，心理壓力好大，唔使開會，想瞓晏啲都得，瞓覺都好瞓啲。」
老臣子紛紛先後退休
雖然彤叔昨日才宣佈退休，但不少老臣子老早聞風先動，早已前後腳退休或離任。繼財務總監周宇俊、執董梁志堅、代理執董何伍燕榆及大公關關則輝離任後，新世界執董冼為堅及非執董周桂昌昨日亦辭任。
83歲的冼為堅為協興建築榮譽主席，同時為新世界創辦人之一，與彤叔私交甚篤。周桂昌現年70歲，為新世界工程總經理，服務集團逾40年，去年3月以投放更多時間於個人事務為由離職，現再全身而退。不過，非執董紀文鳳則調任為執董，負責對外事務。
昨日精華錄
鄭裕彤被問會否做幕後軍師
「新有新嘅一套，我唔再管㗎啦，做嘢我都要企埋㖭。」
鄭家純解釋彤叔退休原因
「聯交所有好多例，又一定要開會，心理壓力好大，唔使開會，想瞓晏啲都得，瞓覺都好瞓啲。」
鄭家純對自己坐正的期望
「希望可以坐20年啦，最少，直到同父親差唔多年紀，但係仍要睇到時身體情況。」
鄭裕彤退休後活動
「遊吓埠。泰國，大陸都好，因為大陸唔駛轉吖嘛，食嘢又容易，我大陸本身有樓，祖屋呀各樣都喺順德，得閒係返去祖屋。」