加德士再發生入錯油事件，香港汽車工業學會會長李耀培指柴油及汽油為兩種不同汽車燃料，不可混合，否則會引致汽車死火，隨時引發交通意外。李認為，油公司入錯油涉嫌疏忽，應要為事件負責及作出賠償。
維修費或萬元
李耀培續稱：「如果油缸本身冇汽油，入咗柴油後，好快死火；如果仲有半缸油，架車行嗰時都會窒油，踩油唔順兼冇力，撻車好困難，最終都會死火！」維修費則視乎車款而定，李估計「日本車起碼二、三千蚊，歐洲車最少成萬」。
有專家表示，車主若發現座駕黑煙較多，無平時咁好力，甚至窒油或無故死火，都可能入錯油。入錯油對引擎有一定損害，要徹底清洗油缸及油喉，而火嘴、電泵、電油格、引擎噴油嘴或噴油筆宜全部更換。《蘋果》記者