關仁隱事:「餵蚊」「蜻蜓」講電話靠凶 - 關仁

關仁隱事:「餵蚊」「蜻蜓」講電話靠凶 - 關仁

選美出身嘅「餵蚊」因為擁有35E身材,好快就喺啲遊戲節目有得做下乜乜女郎,佢嗰條事業線令觀眾最有印象,可能因為咁,好快就搵到老細。雖然呢排佢喺套醫生劇裏面做個醫生仔角色,好似好有上進心、好有內涵咁,但原來佢都有幾分霸氣,一啲都唔好蝦。
餵蚊有次單拖喺電視台餐廳飲下午茶,坐低未叫嘢食,就全間餐廳都聽到佢攞住個手機大大聲咁鬧人,其中一句仲問對方係咪要撩交打,雖然冇爆粗,但語氣都好粗鄙,搞到坐喺附近同老婆撐枱腳嘅視帝都為之側目,枉佢生得有樣有身材,一起火就當眾現晒形。
另外,都係選美出身嘅「蜻蜓」有日喺髮型屋整頭,佢擘大喉嚨講電話又係撻晒朵:「我係鬥靚冠軍嗰個蜻蜓喎……」氣燄之大,令人咋舌。

撰文:關仁