模界四大天后周秀娜、許穎（Phoebe）、陳靜（DaDa）和何佩瑜（Jeana），雖然年紀輕輕，但亦有留意特首選情，各人心中也有理想人選。娜姐心水人選是梁振英，她昨日解釋：「我唔鍾意人冇膊頭冇承擔，但係梁振英勇於發表自己意見，有多啲自己想法。」至於Phoebe表示力撐葉劉淑儀：「因為大家都係女人，雖然我未見過佢真人，但我眼中覺得佢幾靚㗎，咁特首成日要見人，咁見個靚嘅都幾好，況且香港咁耐都未試過有女特首，我個人最鍾意試新嘢，幾創新。」
Jeana選唐唐貪得意
DaDa同樣力撐葉劉：「大家都係女人，況且香港又冇女特首，男女平等嘛，最緊要係幫到香港。」。至於Jeana則依舊撐唐唐，她解釋：「以前我對政治冇興趣，但因為唐唐令我好留意，好似好funny同得意。」
採訪、攝影：丁寧、胡比
