泰利（右）因膝傷冇入選英格蘭，不過佢依然有同班國家隊成員出席星期日嘅慈善晚宴，算係自從種族歧視風波之後第一次代表英格蘭出席官方活動。嗰晚一班國腳一共籌咗25萬鎊作慈善用途，泰利都好似玩得好開心。不過佢球會隊友艾殊利高爾唔知有心定無意，喺影大合照嗰陣遮住咗泰利大半邊面。