「黑婆」一把年紀係娛樂圈都叫做撈過吓，後生時都係靚女一名，不過既然同嗰位自戀王都叫做開花結果，其實都應該享吓清福。不過佢可能見男朋友成功撈咗個議員位，諗住自己去過吓癮都選，點知好衰唔衰俾佢選中做咗個議員。好嘞做議員梗係要開會，但黑婆開會講嘢就永遠回帶講完又講。話說有次主席係會上話想借地方做活動問起黑婆意見，佢就無厘頭同人講話呢個星期同男朋友要去乜活動，又話某某請佢食飯，最後入題話自己同啲高級會所好熟。位主席一聽見黑婆咁講就好快手咁講：「咁借地方嘅事以後就由黑姐姐負責啦！」呢次黑婆就捉蟲真係要落手落腳，唔可以齋用把口。
撰文：關仁