何韻詩之前兩度喺香港主演舞台劇《賈寶玉》，下月會做內地巡迴，噚日阿詩同導演林奕華到廣州宣傳，仲話《賈》劇會進軍北京、上海同蘇州等九個城市，合共演22場。阿詩話同十二金釵感情好似一家人，佢仲話希望大家可以組成一個女子組合。對於係劇中要反串做男仔，阿詩就話：「束胸有啲辛苦，有時抖唔到氣，但唔會影響代入角色。」