王維基搞免費電視台招兵買馬，個人紅咗即刻有狗仔隊招呼佢，最近佢就被影到帶低胸美少女入酒店。王維基噚日接受商台節目訪問，佢話個女仔係圈外人，要保護番女仔私隱，但入酒店係傾公事，因為有啲內容要保密，所以通常都單獨見面。王維基又話個地點係佢飯堂，周不時都會去食飯。王維基仲話以後再同人傾公事，會帶多一、兩個同事，免生誤會。