高皓正昨日出席亞視在麗星郵輪錄影的節目《撻著》，他表示太太前日順產誕下七磅囡囡高純意，他說：「預產期係下月初，早咗成個禮拜，噚日本來有嘢做，多謝啤梨幫我頂咗，今日之後我會放一個月產假，幫手湊BB，咁新電視台都係四月先開工，時間夾得剛剛好。」
堅持順產
提起太太堅持順產，高皓正說自己目擊整個生產過程：「我真係覺得太太好堅，我就儍儍哋，唔知自己做乜，生就十分鐘，隔籬房就好多太太大叫，我太太就一粒聲都冇出過，用第四下力個B就出嚟，真係神級，佢仲喺BB檢查完再見到先喊，BB好得意，一出嚟就笑。」另外，同場趙彤昨於寒風下以低胸裝及短褲現身。
採訪、攝影：楊潔雯