傑斯（圖）喺周日為曼聯正選鬥諾域治，踢足全場仲喺補時入波絕殺對手，助紅魔險勝2:1。呢場亦係傑斯第900次為曼聯上陣，賽後領隊費格遜大讚愛徒：「為一家球會900次上陣，係一件難以想像嘅事，我深信後無來者。」至於傑斯亦都好興奮，佢認為今場呢個入球好重要，佢話：「我哋清楚家係好關鍵嘅時間，因為曼城贏咗波，我哋都唔可以輸！」