英超同其他聯賽嘅冬季轉會市場一早閂咗門，不過俄羅斯聯賽就有多近一個月時間簽人，兩名英超球員就喺上周五俄超轉會市場關閉前走人。艾沙維（圖）喺阿仙奴越踢越沉，既然冇乜出場機會，就決定返去佢曾經效力過嘅辛尼特，以借用形式加盟到季尾。至於布力般守將基斯杜化森巴亦都出走英超，跳咗幾個月草裙舞，終於喺上周五以1,100萬鎊（約1.35億港元）轉投俄超富豪球會安治。