自從上星期二香港資源（2882）自爆包括主席黃英豪、恒地（012）主席李兆基（四叔）嘅千億親家徐傳順，同埋海域遺臣許浩明在內三位董事畀廉署請飲咖啡之後，除咗香港資源本身因為要交代事件而出通告之外，事件仲引發咗一輪通告潮！
事緣許浩明除咗係香港資源執董外，仲同時坐咗響三間上市公司個broad度，搞到佢做獨立非執董嘅王朝酒業（828）同中信21世紀（241）連環出通告，話廉署調查只針對佢本人，唔關公司事，實行劃清界線。
不過，零零舍舍淨係得連發（875）響單嘢見光之後公佈，許浩明辭任執行董事兼主席職位，話係個人原因喎，只留任顧問一職。咁同被廉署查有無關係？通告裡面無講，但都算係第一滴血囉。