郭秀雲與前夫錢小豪的兒子錢景峰，昨晚與溫碧霞夫婦和諸葛紫岐等現身鰂魚涌太古坊ArtisTree，出席香港癌症基金會慈善餐舞會。
錢景峰跟媽模陳靜儀（Mia）分手後，女方近日被爆與南華球星陳肇麒（陳七）譜「7M」戀，Mia早前曾寸爆舊愛錢景峰花心，他昨晚也篤爆Mia劈腿。
「佢同男友去海南島」
錢景峰雖跟Mia分手兩年，再見不是朋友，但他對舊愛的近況卻瞭如指掌，談到「7M」戀，錢景峰說：「嗰個唔係佢男友，大把人話我知佢同邊個拍拖，佢同男友啱啱先去完海南島。」錢景峰直認跟Mia分手後沒再聯絡，但身邊朋友卻熱衷向他報告前度女友狀況，奇怪他又非常關心她。
錢景峰現已有在英國的親密女友Erica，他大讚現任女友非常好，不在港仍為他撲到四張LadyGaGa的演唱會門票，惠及男友家人，十分抵錫。
諸葛紫岐和Neway細少、未婚夫薛嘉麟昨晚拍拖到場，問到下月的婚禮籌備進度？薛嘉麟說：「進度OK，已經影咗婚紗相，家仲mark緊人數。」準新郎清減了不少，他笑言是健康減肥，他說：「主要係做運動，女友都有安排餐單。」還會再減多幾磅嗎？諸葛紫岐說：「家幾好，最緊要健康。」薛嘉麟對未婚妻說：「你OK就OK。」同場的甄子丹自爆早前帶着紋身造型回家探囝囝，被兒子取笑是badman。
採訪：林嘉慈
攝影：陳志嵐