天氣開始潮濕，頭皮好易出油，有時遇着春雨綿綿，一早Set好個靚頭，一陣就變塌又變，以為在所難免？只要懂得揀洗頭水，做好平衡油脂嘅預備，再帶埋樽乾洗粉有備無患，就時刻可以保持乾爽！
記者：張文蕙
攝影：林栢鈞
Model：Hidy@GME
Styling：Winnie
綠藻助平衡分泌
ILCOLPOPlatinum的電染總監MichaelHo指，春季頭油過多的成因，是天氣潮濕，頭皮的分泌自然變多。而吃過多辣的、肉類或高脂食物都會刺激油脂分泌，加速頭油堵塞毛囊：「好多人會用各種古方去頭油，例如檸檬汁、酒類等，但我極反對，首先坊間產品已發展得很專業，其次當你不知頭皮對甚麼有過敏，例如檸檬汁，直接用有機會整傷頭皮，酒精更會傷及毛囊！」
其實坊間有很多洗頭後使用的補品，用後個頭自然出少啲油；鉅記行推介的有Legitime的ScalpAirTonic，針頭噴咀有利平均地將平衡液滲入頭皮，頭皮從此能持續清爽。而Ford的TohhiEssenceRenewalTonic仲好啱頭皮敏感嘅用家，內含三種綠藻精華及多種植物精華，乾爽之餘，頭皮的細菌亦得以減少。
爽身粉灑頭 好易生瘡
當相對濕度達﹥90%，頭髮好難唔黐！尤其女孩子的髮陰位，到一束束咁確實難睇！討論區有啲絲打話用爽身粉幫到手，仲話係平靚正首選！但Michael就舉腳反對：「爽身粉嘅原理係令毛孔收緊，用喺頭度，頭皮毛囊封實咗，久而久之好易出頭瘡！就算要用洗頭粉，都應在真的難以洗頭的時候，如坐月、去Camp這些特殊情況，始終用水洗頭健康好多！」
要買洗頭粉，始終都係買專業的好，好多媽咪都推介Prince&Princess的頭髮乾洗粉，從加拿大生產，於美更獲獎無數，原來佢成份很天然，有粟米粉之餘，仲有蘆薈成份，等你個頭即時乾爽之餘，亦能充份補水，仲香噴噴㖭！鉅記行仲推介Rockstar的DryShampoo，一噴頭皮凉浸浸，髮絲即刻變得鬆軟清爽，即刻可Set番個靚頭！
弱酸洗頭水最健康
Michael話，護髮素及焗油不應亂用：「有啲人用咗某隻家用焗油後，髮根長期有層好似蠟嘅嘢，甚至生晒頭瘡！如果個頭太油，寧願不用護髮素，改用較輕身的順髮油吧！」
史雲遜護髮中心又指，頭皮最健康的生長pH值約4.5至5.5弱酸，偏酸或過鹼的溶劑接觸頭皮，會造成刺激；要保持頭髮清爽乾淨，可選用較溫和的弱酸性洗頭水。而用洗頭水的方法應先在手心揉出豐富泡沫，才能更有效溶解污垢，巿面上有些洗髮水為了更加濃稠，會加入高濃度的氧化鈉（即鹽），若把洗髮水直接擠在頭皮及頭髮上，會傷害到髮絲。
菊花洗頭抗油
註冊中醫師彭明慧指出，過油的頭皮甚至會令頭皮增多，這可能是由「濕熱熏蒸」所致，所以佢建議油性頭皮人士可用忍冬藤、苦參、白鮮皮、地膚子、黃柏、馬齒莧、冰片、金銀花、菊花各5錢加熱水清洗頭皮，或用以下食療作輔助。
【土茯苓薏仁瘦肉湯】
材料：
土茯苓2両、生薏仁1両、茵陳3錢、陳皮1片、瘦肉8両
製法：
①瘦肉汆水。
②陳皮浸軟，刮瓤待用。
③將土茯苓、生薏仁、茵陳洗淨，放入湯煲內加入約3公升水中浸約15分鐘。
④將3煲滾後，加入①和②，待水再滾後轉中小火熬約2小時，加鹽調味即成。
查詢
a.Prince&Princess （25063001）
b.Lush （25226627）
c.鉅記行 （23641327）
d.nest （31628638）
e.ILCOLPOPlatinum （31011128）