泰維斯（左）同曼城搞咗半季嘅鬧劇，隨住泰仔日前肯公開道歉，總算係告一段落。領隊文仙尼話只要泰仔恢復狀態，就可以再一次落場比賽，泰仔亦唔再偷懶，喺上星期五已經開始同大隊一齊操練。話晒大家都係阿根廷同鄉，前鋒阿古路（右）喺操練度對泰仔最熱情，全程有講有笑。阿古路話今季最大目標係贏英超冠軍，曼城有多個好幫手，就算可能因為咁少咗上陣機會都冇所謂喇。