作為國外球迷，能夠親身飛去英格蘭睇支持球隊嘅比賽，可以話係夢想成真。有位叫古拉（圖）嘅巴西球迷最近都實現咗心願，但令人意外嘅係佢由巴西飛咗6,000英里嚟到英格蘭，去捧場嘅竟然係去英乙球隊艾克寧頓。古拉話佢喺06年睇咗艾克寧頓喺英格蘭聯賽盃淘汰諾定咸森林嘅比賽之後，就鍾意咗呢隊波，幾年嚟不斷同當地球迷聯絡，最後仲獲艾克寧頓球會邀請嚟睇波㖭。