法國名將亨利（圖）雖然已經再次告別阿仙奴，但佢對倫敦呢個地方仍然充滿感情。繼冇耐之前計劃喺佢位於倫敦嘅豪宅度起個40呎高超級大魚缸後，亨利又有新諗頭，不過就唔再搞大工程，只係花咗1,000鎊買咗隻孟加拉貓。唔講唔知原來亨利係寵物狂，喺佢間倫敦大屋度已經養咗林林種種唔同嘅小動物。