陳奐仁出道十年，前晚首度在紅館開騷，他為搞氣氛，表演由高處跳下，觀眾極盡視聽之娛。大病初癒的好友鄭秀文聲沙力撐做嘉賓，還有MCJin在台下睇騷支持兼吶喊，大叫陳奐仁要開始造人。
陳奐仁前晚首度在紅館舉行演唱會，早前遠赴印度的鄭秀文（Sammi）病至失聲，大病初癒的她挺身支持好友個唱，二人合唱一首《罪與罰》，但Sammi明顯力有不逮，高音部分表現失準，不過她的出現仍然令全場升溫。
真假老婆現身
陳奐仁入行十年，今次在台上重新演繹過去十年作品，他的妻子低調現身支持，一向賣靚聲的陳奐仁，吸引了俞琤、李治庭、歐陽靖（MCJin）來睇騷，一班無綫劇《結．分＠謊情式》演員包括飾演陳奐仁老婆的滕麗名、胡楓及商天娥等一同前來棒場。
陳奐仁玩人浪大搞氣氛，又跳高台，他在慶功宴接受訪問時說：「最緊要係大家睇得開心，Sammi今次好好，佢之前失聲，我都話唔嚟唔緊要，佢咁都嚟，我真係好感激。」
未準備做爸爸
陳奐仁老友MCJin一度在台下大叫他生仔，陳奐仁詐聽不到，事後他解釋說：「我會考慮，自己未有呢個心理準備做爸爸，我另一半都係未準備好，等我成熟少少先！」
採訪：胡比 攝影：黃偉雄
