現年48歲嘅章小蕙長期喺外國生活，當年嘅性感ball后近年已絕迹ball場。前日佢前夫鍾鎮濤（阿B）大搞59歲生日宴，仲同成班囡囡溫馨慶祝，咁啱同一日章小蕙就落寞獨飲熱朱古力保暖。
嘉晴寫心聲
前日6時許，章小蕙獨自去銅鑼灣利園地庫coffeeshop，雖然天氣忽冷忽熱，但章小蕙已急不及待着低胸衫出巡，不過冇新伴嘅佢獨自喺梳化上，邊飲朱古力熱飲邊玩手機，佢仲唔顧儀態當眾伸手入衫內胸。大約半個鐘後佢買埋朱古力粒就走人，似乎感情空白嘅章小蕙要靠食甜品嚟填補空虛。
相反前夫阿B就「活得比你好」，前晚阿B喺深灣遊艇會同過百好友過生日，最令佢開心係大女鍾嘉晴喺網上寫咗一篇文章畀老竇，阿B話：「睇完好感動，事前唔知道，睇到眼濕濕，真係大個女。」