【本報訊】「佢（仔女）哋梗係知邊個係GaGa啦，係我唔知啫！」美國百變天后LadyGaGa即將來港獻唱，大批排隊黨前日開始通宵排隊瞓街「撲飛」，當中不乏師奶兵團，還異口同聲表示替子女購買，又以「老闆」形容兒女，並直認根本不認識GaGa。
其中一名排隊師奶說︰「我啲仔女睇（演唱會），我仔女係老闆嚟㗎！幾個仔女同埋朋友……起碼八張飛啦。」記者再追問何以買這麼多，師奶又改口說︰「仔女有同事㗎嘛，你無朋友點做人呀？我啲女同事，佢啲仔女……佢有佢仔女，唔通你啲仔女屬於我㗎？」
另一名師奶邊食麪包邊說︰「GaGa吖嘛，仔女睇，佢（仔女）梗係知邊個啦，係我唔知啫，你講完我都唔記得啦。」她聲稱前日上午11時開始通宵排隊，不料昨日凌晨有人插隊打架，「嚇到我死，撞佢個鬼……」
排隊黨車馬費$1720
早前有指GaGa門票瘋炒至3萬元一張，記者昨日在一個本地拍賣網站，發現有人放售blockB企位「原價放每張$1,280，另加排隊及車馬費$1,720」，還標明是「最後兩張」，可見排隊黨出了不少功勞。
此外，更有炒家以兩張$1,280，炒貴五倍，以$12,800出售；亦有不同賣家在拍賣網炒賣5月2日門票，卻以同一模式拍賣，涉及門票由兩至八張，每口叫價由$50、$100至$500元不等，例如兩張$1,280元門票，起標價是$2,560元；或八張$1,580元門票賣$12,640元。