【本報訊】癡情女護士被前男友入稟禁制她用毒招箍煲，惹來全城熱話，早前她又遭警方刑事控告恐嚇前男友。女護士一直保持沉默，直至昨日承認刑事罪名後首度亮相開腔，含淚哭訴自己是受害者，多年來被苛索金錢兼欺騙感情，但她從未想過要告發這個她口中的「衰人」。她說：「我唔知係咪黐咗線，好似唔識嬲佢，可能係我太愛佢！」
記者：楊家樂
任職公立醫院護士的34歲女被告葉麗娟身型嬌小、語調斯文。她昨日一早到觀塘裁判法院候審，曾任職工程師的前男友劉達偉稍後抵達。二人遙遙相對，眼神零交流。
本案緣於葉和劉在07年學日語時相識，兩人旋即撻着，但拍拖僅三個月劉便提出分手。根據劉的說法，葉在分手後開始滋擾他，如發佈傳單唱衰他生愛滋及性無能，又跟蹤他到外地旅行，甚至兩度買樓搬入他居住的同一幢樓。
控方有錄音為證
葉持續要求復合，劉則不斷拒絕，擾攘四年多。葉曾因恐嚇及與劉打架，被法庭頒令自簽守行為。去年5月21日，葉向劉說：「叫你屋企人小心啲，唔知佢哋幾時郁手......」又於6月2日在居住的將軍澳欣明苑地下向劉聲言：「小心你阿爸俾人打到入廠呀！」
劉決定報警，跟着於8月入稟高等法院申請禁制令，要求禁止葉滋擾及發佈誹謗字句，並聲稱他因此被迫轉工及搬屋，要為此索償。據了解，禁制令一事未有定案。
至於刑事案，葉本來一直堅持不認罪，惟在開審前兩天，控方將一些錄音片段交給辯方，葉始知劉用手機偷錄了二人在5月和6月的對話。她甚為激動，但因證據確鑿，遂改口認罪。
劉因葉認罪而毋須作供，離開法庭時向記者稱「冇乜特別感覺」。葉則於散庭後忍不住向記者透露她跟劉一段刻骨銘心的情緣。劉是她的第二個男友，她愛上劉因「佢好識講嘢」，「初初話娶我，仲話唔知我會唔會係佢最後一個女朋友」。但拍拖不久劉便移情別戀，令她感情受創。不過，直至劉去年報警前，她仍以為兩人是愛侶關係。
葉含淚憶述傷心往事指，有人爭執時會郁手郁腳，但她默默忍受。後來有人申請外國工作簽證，決定辭職，但卻賴她連累他失業，叫她賣車賣樓賠償50萬元。葉向記者展示一些Skype短訊，只見一名人士多次示好說要陪她看醫生，但又叫她賣車賣樓，又叫她給5,000元維修鐵閘。
有人索錢數萬元
有人財困，經常問葉要錢，多年來她付出達數萬元。她仍否認曾做出騷擾行為，亦稱沒淋紅油，指「乜都賴晒係我做」。她反指曾於一日內遭人致電逾百次，更向記者播放錄音作證。聲稱已死心的葉，至今仍單身。回首前塵，她說：「冇乜值唔值得，過咗去就算，唔想再諗返轉頭，唔想再見佢。」她獲准保釋，下月16日判刑。
案件編號：KTCC6570/11
葉麗娟播放跟一名男子電話對話
男：咁你家想唔想同番我一齊呀？
葉：你唔好問我啦，你成日都知我諗啲乜嘢㗎！
男：咁你想唔想同我結婚呀？你想唔想同我結婚呀？
葉：你知㗎！
男：咁咪係囉，咁點解你唔聽我講呢？你唔肯認我點樣同你結婚呢？
葉：我冇做過。
男：你冇做過都可以認㗎嘛！
葉：點解冇做過都要認呀？
……
男：你話有畀過三萬蚊人哋搞我屋企。
葉：你成日都話我畀過三萬蚊出嚟，我幾時有？
男：咁你有講過吖嘛，點解要無端端講先？點解要無端講先？點解你無端講呀？
葉：我幾時有講過呀？
……
男：總之我同你講，你承認咗佢，我有個禁令喺度，我安心你唔再滋擾我，咁我自然同你一齊、同你結婚，就係咁簡單。同你一齊，但係你又要令到我鐘意番你，我自然即刻同你結婚……
葉：你都識講啦，你有個禁令喺度，咁我點樣同你一齊呀？
男：你有個禁令，係禁制你唔滋擾我啫，冇話禁制你同我一齊吖嘛，啱唔啱呀？啱唔啱呀？
（時間為去年葉麗娟被落案起訴後）