劉德華是勤力認真的藝人，對自己，無論唱歌或演戲，都有要求，另一方面，他會出錢出力資助低成本的電影製作，最近，華仔引進內地舞台劇來港交流，為的是他與舞台劇有緣。華仔只求有好製作，不問回報推動舞台劇發展，連戲劇大師鍾景輝、舞台劇姐級人馬蘇玉華亦大讚其貢獻，拭目以待內地作品《四世同堂》在港公演。 撰文：羅美倫
華仔近日逐漸停工，方便照顧已懷劉家金叵羅的太太朱麗倩，但他仍出錢以公司「Focus」名義引進內地舞台劇《四世同堂》，此劇的演員包括香港熟悉的秦海璐、黃磊等，將在4月7日起公演三場，收益扣除開支後會全數撥捐劉德華的慈善基金。
華仔為可讓中港兩地舞台劇作文化交流，甚至出力協助宣傳，貫切其親力親為做足一百分性格。其實這一切，源於與舞台劇有緣，華仔說：「一路落嚟我對話劇好有熱誠，好細個就接觸話劇，演就反而少，多數係寫劇本，讀書時寫好多，多數係參加學校比賽，但出到去就有杜國威喺我前頭，大家唔會留意到我。」
求學創作《蛻變》
華仔在學校時的作品有《不息的風》及《蛻變》，絕對可登大雅之堂，當時已被香港話劇團、港台看中拍過劇，華仔說：「當時港台拍《蛻變》係搵陳玉蓮做，我同佢都好有淵源，開始時KingSir（鍾景輝）仲講點解會拍呢個劇本，介紹兩個學生，其中幫手創作嘅一個就係我嘞。我由細到大都鍾意舞台劇㗎！」華仔愛舞台劇，他認為香港的主流娛樂事業都在電影、音樂上，只要觀眾去看過，就如看一套好的粵劇一樣，必定會愛上。
引進《四世同堂》
向來有出資培育新導演、新人的華仔，對舞台劇念念不忘，希望在這方面做點事，剛巧前年在台灣，他看到《四世同堂》在當地作文化交流，讚嘆過後，回港就跟自己公司的拍檔溝通，希望該劇也能來港交流，想不到終玉成其事。
問到引入此劇在香港公演的費用是否高昂？華仔哈哈大笑：「貴㗎！哈哈哈，因為多人，而且佢哋市場上算係有份量嘅劇目，嚟香港食住都要花費。」只做三場慈善公演，豈不是很難回本？華仔說：「所以製作上要再諗平衡開支，呢件事唔會以商業態度出現，我拍檔都話，有時有啲嘢唔應該講生意，係應該發生嘅。」
政府欠缺配套
為讓香港觀眾得益，有機會睇到最高水平的舞台劇，華仔像推動低成本電影一樣，義不容辭。問到是否想藉此提高香港觀眾的水平或吸引更多人睇舞台劇？華仔說：「唔敢講到咁遠，香港有香港風格，內地、台灣亦各有風格，可以從唔同嘅舞台劇睇到佢嘅好，其實係互相交流機會，我目標唔係想令更多人睇話劇，係想多啲唔同類型嘅嘢喺香港發生，我亦唔係望香港觀眾覺得呢個係個幾高瞻遠望嘅製作，而係你鍾意咪鍾意囉，唔鍾意唔緊要㗎，下次再嚟過囉，冇人可以一次過接受，好似食齋，食吓囉，有啲人食食吓就食咗齋，有啲人食唔到咪由得佢囉，其實香港近年本土電影有幾部吖，《打擂台》、《歲月神偷》同幾部賀歲片，我哋應該集中發展舞台劇，可惜政府配套配合唔到。」
化妝：VinciTsang（蘇玉華）
髮型：DickyLam@SUAVE（蘇玉華）
《四世同堂》高水平之作
作為舞台劇演員，蘇玉華很期待像《四世同堂》這類高水準劇作在港公演，阿蘇之前看過此劇導演田沁鑫的作品，又曾跟演員黃磊合作，故對今次舞台劇交流感興奮：「興奮係有機會睇呢個劇之餘，香港原來有多一個人或公司會做呢樣嘢，好高興劉德華將呢套劇引入香港，畀香港觀眾有機會接觸內地舞台劇嘅發展，戲劇、藝術世界係大同嘅，呢次係好機會畀我哋觀察內地發生緊乜事，香港成個時代背景、文化修養到個人特質都同內地唔同，有機會透過舞台呈現係好幸福嘅事。」
內地演員根基厚
阿蘇覺得無論舞台電影電視，內地總有一班好勁演員，有豐富的戲劇訓練，有深厚戲劇根基，去享受欣賞之餘可以攞到「養份」，是好寶貴的學習機會。
至於舞台劇殿堂級人馬鍾景輝，亦認為引入此劇來港演出是好事：「等咗好多年喇，八十年代好多內地團體嚟演出，佢哋演技基本功好厚，喺香港難搵到，佢哋啲人做當地人嘅感覺，係香港演員做唔到。」KingSir笑言在舞台劇方面大多吸收西方文化，正好讓他借機吸納內地的風格。
