葉德嫻（Deanie）憑電影《桃姐》，分別在威尼斯電影節、愛沙尼亞電影節、台灣金馬獎及第18屆香港電影評論學會大獎四度封后，電影未上映已打了多場漂亮的勝仗。但身為四料影后的Deanie姐，對於《桃姐》下月於香港上映的票房不存奢望，但求不要讓劉德華蝕錢便心滿意足。
由劉德華及葉德嫻主演的《桃姐》之前於多個影展中奪獎揚威海外，但香港遲遲仍未上映，令觀眾十分期待。華仔解釋由於之前是新年檔，加上《桃姐》不是一般商業片，故此只傾到十多間戲院放映，所以他寧可等待一個更好的檔期才上映。
拍好片一生受惠
雖然《桃姐》於下月9日才上映，但仍入圍金像獎，華仔表示要多得業界的支持，而且之前確實曾於某些戲院上映過，他說：「業界都想我哋參加到影展，好似金像獎同奧斯卡，之前有傳我哋派飛包飛。其實如果唔係公開賣飛係符合唔到個要求。」
現時身為四料影后的Deanie姐笑言只加了一兩蚊片酬，且只是多了一兩個劇本，問到她是否一定要與華仔再合作才接戲？她說：「咁又唔係，一定要啱嘅劇本同啱自己做先得。」
Deanie姐又說笑自己對《桃姐》最大的期望是華仔不再蝕錢，她笑說：「華仔話預咗蝕200萬，咁家希望蝕100就算啦。」
繼續支持許鞍華
在旁的華仔即補充說：「就算蝕都係蝕我啲片酬，好少啫，都係一、二百萬，蝕唔蝕就要睇香港票房啦，但係呢套係一生人受惠嘅電影，一套好嘅戲之後會keep住出碟賣去其他國家，好似之前《香港製造》同《去年煙花特別多》，都會繼續有版權嘅錢收。」
之前華仔投資的電影，蝕本的比較多，問到他會否再想投資於執導《桃姐》的許鞍華的電影上？他說：「我知佢家拍緊另一套戲，已經有人投資，如果佢想拍大型嘅戲，我就未必做到，因為話晒我只係一間獨立公司，一年一兩套都OK，太多太大型就唔得。」採訪：李珮洳
攝影：陳俊強
