張繼聰噚日去跑馬地出席香港紅十字會義賣活動，佢自己就有新公司籌備出碟，但老婆謝安琪同環球傳4月會解約，老公仲會拉攏老婆過檔，張繼聰話：「唔知太太同公司合約點樣，我只係歌手身份，冇去拉攏，有好歌手加入當然不介意。」其實有老公幫口咪仲方便，但張繼聰竟然話：「我先唔會去傾，工作要磨合有變數，婚姻係一生一世，我公私好分明。」