香港拍賣師尹志強表示，近年染指香港各大小拍賣行、一擲億元豪買拍賣品的內地大客，背後是代表以股份形式炒賣藝術品的交易所，俗稱「揸餅仔」，他們將從香港競投得來的名畫及藝術品推高價錢，以股份制公開招股，賺取差額及集資，亦可再轉手獲利。
這種供股買畫模式早期曾在香港拍賣界出現，尹志強說：「呢種模式可以造假，圍標、搵人做媒，後來ICAC介入拉人，業界先整頓歪風。」
國務院發文件規範
去年11月國務院發出文件規範內地藝術品交易所，限制每件藝術品的供股數目及炒賣細則，令藝術品股價大跌，股民退款，走數風暴蔓延香港，「本來好多人認頭去買畫，個代表喺香港拍賣行投到，幕後班股東唔肯畀錢，咪走數囉。所以我哋家對生面孔嘅內地客好警惕，總之唔找晒數，一件貨都唔攞得」。
走數風暴除了國畫外，已遍佈瓷器，紅酒等拍賣品。程壽康說，為了杜絕走數的投機客，蘇富比率先設立保證金制度，高估價拍賣品的競投者要交100萬元保證金，其他類別則要交20萬元，競投的內地客要提交內地銀行戶口存款證明，「對生面口嘅客，我哋會調查佢嘅背景；對遲遲唔畀錢嘅買家，我哋會告上法庭」。《蘋果》記者