六年前以譚詠麟契仔身份踏入娛樂圈，被塑造為青靚白淨的偶像歌手，直至年多前於日本的藏毒事件後，璀璨前途頓時消失。對於自己的任性，傷害了疼錫自己的家人，以及令大眾失望，關楚耀花了一年多時間反思，改變自己，重新做人。
上繳七成收入
關楚耀承認以往工作散慢，他說：「家會完全投入，加上長大咗，變得踏實啲。我想賺多啲錢，最初入行出糧會買牛仔褲、波鞋，家想照顧屋企人。如果我賺十萬，會畀七成爹哋，用嚟投資又夾份供保險。」
與女友Megan愛得穩定的關楚耀，兩人養了一隻小狗，農曆年更帶女友回加拿大探外婆，他說：「拍拖係小事，家公開咗一切自在啲，身邊人都舒服。」關楚耀更坦言有意成家立室，外婆更叮嚀他好好對女友。
採訪：王連連
攝影：林德雄