【本報訊】特區政府之首，毫不避嫌接受富貴款待，事件曝光後還砌詞狡辯，令小市民氣憤難平。昨天的電台節目，充滿民意怒火，致電電台的市民，幾乎一面倒批評曾蔭權，但忘情在超級遊艇、私人飛機逍遙的特首，相信不願聽到這些民意。
官員無最衰只有更衰
多名市民昨致電不同電台節目，批評曾蔭權獲富豪奢華款待有違操守。對於曾蔭權聲稱以民航機價錢乘坐私人飛機，市民指明顯有利益衝突之嫌，認為曾蔭權有責任到立法會進一步交代事件，期望立法會為市民主持公道，又指廉政公署有需要介入調查。「明明坐咁豪華嘅船，畀番幾多錢？如果你講到自己咁清廉，係咪好似我哋咁搭個啲船（普通渡輪）過去？唔好坐豪華船囉。」
曾蔭權聲稱接受款待前確定沒有利益衝突，市民卻質疑此說，有聽眾直斥曾蔭權強詞奪理，「如果向地產商買一層樓，我畀木屋價錢佢，佢畀一層樓我，係咪無着數呢？你坐私人飛機，你畀番坐民航機嘅錢，咁咪叫做利益衝突囉！」
曾蔭權早前稱，落任後希望市民不記得他，此願望或要落空了。一市民昨在大氣電波痛罵曾蔭權是「衰官」，「習近平喺美國講過：『中國人權狀況不會有最好，只有更好。』我就話官員無最衰，只有更衰，香港有咁嘅特首，難怪會有唐英年呢啲手下。」
市民鬧官語錄
‧「講到自己咁清廉，係咪好似我哋咁搭個啲船（普通渡輪）過去，唔好坐豪華船囉。」
‧「向地產商買一層樓，畀木屋價錢，係咪無着數呢？」
‧「官員無最衰，只有更衰，香港有咁嘅特首，難怪會有唐英年呢啲手下。」
‧「特首係一個地區象徵，形象非常重要，曾特首完全影衰香港人。」
‧「以後佢食完兩頭鮑魚，畀廿蚊就走得啦，食飯盒都係廿蚊囉。」