宅錄：貓狗大換毛　梳走Bad甩

宅錄：貓狗大換毛　梳走Bad甩

春天換季，家有貓狗者，相信一定對「甩毛飛」呢個名深痛惡絕！無他嘅，一屋都係毛，不停打噴嚏；唔使好似金剛咁求神醫，獸醫話只要勤梳毛，唔使等七七四十九日都有得救！

記者：陳家蕊
攝影：陳盛臣
Model：Meow@PureModels
鳴謝：動物醫療中心（27613149）

甩毛狗鬥一番！

春天甩毛好正常！

動物醫療中心的劉懿嫺醫生話，近期大家的貓狗可能會勁甩毛！皆因春天回暖、開始換毛。不過有些貓狗主人會話，我屋企隻寵物一年四季都不停甩毛喎！而且仲好擔心係咪染咗皮膚病：「毛髮脫落好多時跟品種有關！例如貴婦狗，幾乎不會換毛；不過某些品種的狗會有兩層毛，例如雪橇，底層是短毛，外層毛會甩得較密和多。」所以狗狗大量甩毛未必係皮膚病，只要換毛時沒有局部脫毛，或者出現禿斑就不用擔心！

■好多主人見貓狗甩毛，都會擔心是否患上皮膚病。

■長毛的狗因為多數有兩層毛，換毛期好易甩到你驚！

■即使不甩毛的貴婦狗，梳毛後，都可以見到好多死毛，證明主人幫手梳毛好重要。

梳走死毛　唔再甩！

知道甩毛無可避免，咁點先唔使佢通屋飛，方法好簡單，就係勤啲幫貓狗梳毛，將死毛梳走咪唔使甩囉！犬之舍負責人Michelle：「如果唔將啲死毛梳走，喺幫佢哋洗澡的時候，底層死毛好難乾透，咁就可能造成皮膚病！」需知毛刷都有分長或短毛貓狗使用，所以搵個好毛刷，真係唔慳得！

短毛刷套裝$158/a
■短毛刷附上小梳一把，幫助清理刷上的死毛，好方便！

長毛犬刷$188/a
■外形呈抓狀，是長毛狗狗專用，鐵齒在梳毛的同時還可以把打結的毛髮梳鬆。

削毛梳$198/a
■是帶有刀片的梳，梳毛時可把寵物身上的毛偷薄，夏天用最啱！

軟毛刷$148/a
■軟毛刷屬短毛貓及狗專用，因為短毛關係，軟身毛刷已經有足夠力度。

Michelle達人教路!

■短毛貓鍾意自己清潔，主人可以放鬆唞唞。

■毛刷上的死毛，可以用另一把梳作清理。

3M膠紙卷$98/a
■抱完心愛的貓貓狗狗，整到自己成身毛，可以用膠紙卷幫自己清理。

針對毛色洗毛液

貓狗患上皮膚病的原因多數是生活環境所造成（如食物敏感）；因為天氣轉變或對致敏原產生過份反應，就會出現痕癢、紅腫等迹象。主人應多加注意。人洗頭都會因應髮質而用唔同洗頭水，貓狗所用洗毛液亦同樣道理！有啲洗毛液仲可針對毛質！

防乾燥洗毛液$138/a
■狗狗都有乾油性皮膚，呢款就專針對乾性皮膚！

光澤洗毛液$138/a
■令毛髮有光澤的洗毛液，最特別係有海洋香味！

金毛洗毛水$190/b
■專為金、啡及紅等毛色貓狗而設，令毛身色澤更自然。

純白洗毛水$190/b
■這款洗毛水專針對白色毛身貓狗，但絕無漂白劑成份。

查詢:

a.犬之舍（27139997）
b.PattyHouse（25042298）