馬國明最近承認同胡定欣拍過拖，噚日喺無綫電視城分別見到佢哋，馬明話當初係有人話覺得胡定欣有公主病，只係想幫佢澄清，事後都有同定欣講番，佢仲話當年做完《舞動奇跡》一齊，拍咗一年之後和平分手。定欣就話：「我一直希望私生活同工作分開，我哋一直都係朋友。」定欣仲講笑話：「我實嬲佢㗎，佢嗰套戲嘅收視咁好，都唔使借我做宣傳喇！」