自從皮亞斯暫代英格蘭領隊後，大家最關心就係邊個會做隊長，皮亞斯心目中嘅人選要好似名宿恩斯、阿當斯同舒利亞咁，受隊友尊重之餘亦唔自私，仲要有團體精神；講嚟講去，咪係得番謝拉特。皮亞斯上位教大國腳後，決定搵菲臘尼維利兼職做小國腳教練。另外，祖爾巴頓（圖）率先喺Twitter披露下星期友賽荷蘭嘅英格蘭最新波衫，不過佢好似冇入選喎。