【本報訊】鏞記案下周三（2月29日）將作結案陳詞，甘老太之前曾在庭外發功，力數三女甘美玲接電話切線，又指罵二仔甘琨禮的女兒甘蕎因「最啱做戲」，戰場由法庭轉至3個甘家女人互揭至親醜事。三女及孫女昨反擊，甘蕎因說︰「相信人在做，天在看，大家有眼睇！」中場休息，依然充滿火藥味。
一直站在甘琨禮一方的甘美玲，回美前特地找公關聯絡傳媒傾談，她強調自己對事不對人。「冇話邊個幫邊個，咁計都可以話我阿媽幫我大哥一樣之嘛！」她說，兩年才回港一次，發生股權爭拗後沒有再見母親，回美前的棧行晚飯也沒有預母親份兒。
同一屋苑相遇如陌路
而早前指甘老太淚線塞，暗諷阿嫲做戲的甘蕎因，也澄清因為甘老太多次向傳媒搬出家醜，才站出來回應自保。講及被阿嫲鬧她做戲，她直言感到嬲怒，「講真果吓（閱報時）真係少少（嬲），佢（阿嫲）出嚟講到咁勁！諗深一層都覺得心噏。但要保障自己，就要企出嚟澄清。」她坦言兩家人一直和氣相處，80年代更先後移民加拿大，先到彼邦的伯父一家（甘健成）也曾照顧他們一家。如今雖然大家每天也在鏞記工作，和甘老太更住在同一屋苑，大家卻如陌路人，只能嘆句非常可惜。